Hefur þú komið á manndrápsvettvang?

Já ég hef komið á nokkra manndrápsvettvanga.

hver eru þín fyrstu viðbrögð þegar  þú kemur að manndrápsvettvang?

 Fyrstu viðbrögð eru alltaf að reyna að ná heildarsýn yfir vettvang og tryggja að vettvangi verði ekki spillt.

Getur þú lýst ferlinu yfir morðrannsókn, hvernig gengur þetta fyrir sig?

Áður en rannsóknarlögreglumenn eru kallaðir á vettvang er útkallslögregla yfirleitt komin á vettvang.  Þeir lögreglumenn reyna að sjá til þess að vettvangi verði ekki spillt meira en orðið er, handataka grunaða (ef þeir eru á staðnum) og þurfa að gera aðkomuskýrslu um málið þegar þeir losna af vettvangi.  Rannsóknardeild er kölluð út ásamt Tæknideild og mikil vinna hvílir á Tæknideild á svona vettvöngum.  Við sem svo rannsökum manndrápið sem slíkt, sjáum um að taka skýrslur af vitnum, ef einhver eru, og að yfirheyra sakborning auk þess sem við öflum allra gagna sem mögulegt er að fá og gætu tengst brotinu.  Við fáum öll gögn frá Tæknideild þegar þau eru tilbúin og þurfum oftar en ekki að taka fleiri skýrslur af sakborning heldur en þá fyrstu, allt eftir eðli máls. Rannsóknin tekur mislangan tíma, allt eftir eðli máls og hversu vel gengur að afla þeirra gagna sem þurfa að fylgja málinu.